Kaam Kaise Karta Hai?
Hamare platform par kaam karna nihayat asaan hai. Hum ne Pakistan ke Dropshippers aur Resellers ke liye do alag-alag models banaye hain taaky aap bina kisi investment ke apna karobar shuru kar sakein.
🔐 Step 1: Compulsory Registration (Account Banayein)
Sab se pehle aap ko hamari website par apna account register karna hoga:
- Website ke top menu par Register/Login par click karain.
- Apni sahi details (Name, Active Phone Number, Email) daal kar account banayen.
- Account bante hi aapko apna TeraWallet (Personal Wallet Dashboard) mil jaye ga jahan aapki earning show hogi.
🏷️ Model 1: For Daraz Sellers (Advance Payment Model)
Agar aapka Daraz par store hai aur aap Daraz Stock ke products apne Daraz store par bech rahe hain, to orders process karne ka tarika yeh hai:
- Order Receive Hona: Jab aapko aapke Daraz Seller account par order aaye, to wahan se apna Shipping Label (PDF/Image) download karain.
- Hamari Website Par Order Lagana: Hamari website par aain, wahi same product dhoond kar cart mein dalain aur checkout par jain.
- Label Upload Karain: Checkout page par diye gaye “Upload Daraz Shipping Label” wale option mein apna downloaded PDF/Image label upload kar dain.
- Advance Payment: Product ki jo qeemat (Cost) hamari website par likhi hai, woh hamare diye gaye EasyPaisa / JazzCash / Bank Account par transfer karain.
- WhatsApp Verification: Payment ka screenshot aur apni Order ID hamare WhatsApp support line par share karain.
- Delivery: Aapka payment aur label verify hote hi hamari team aapka parcel pack karwayegi aur use Faisalabad Daraz Hub par drop karwa degi.
🚚 Model 2: For Social Media Resellers (COD Model)
Agar aap Facebook, Instagram, TikTok, ya WhatsApp par products bechte hain aur bina kisi investment ke customer ko Cash on Delivery (COD) bhejwana chahte hain, to tarika yeh hai:
- Product Share Karain: Hamari website se COD Stock ki pictures aur details copy kar ke apne social media pages par lagayen.
- Apna Profit Margin Rakhain: Agar hamari website par product Rs. 1000 ka hai, to aap use aage Rs. 1800 ka bechein (Rs. 800 aapka profit margin hoga).
- Website Par Order Lagana: Jab aapko customer se order mil jaye, to hamari website par aayein aur product ko cart mein daal kar checkout par jain.
- Customer Ka Address Daalain: Checkout page par Shipping Address mein apne customer ka sahi Naam, Phone Number, aur Address likhain (Jahan parcel deliver hona hai).
- Final Price Enter Karain: Checkout par diye gaye box “Final Price to Customer” mein woh total price likhain jis par aap ne customer ko deal lock ki hai (e.g., 1800).
- Select COD: Payment option mein Cash on Delivery (COD) select kar ke order place kar dain. Aap ko pehle koi paisa nahi dena.
- Delivery & Payout: Courier company parcel customer ke ghar pohanchaye gi aur un se Rs. 1800 collect karegi. Parcel successfully deliver hone ke baad, aapka set kiya hua profit (Rs. 800) 7 working days ke andar aapke Wallet mein transfer kar diya jaye ga.
💳 Step 3: Wallet Se Withdraw Kaise Karain?
Jab aapka profit aapke website wallet mein jama ho jaye, to aap usay apni jeb mein kaise layenge?
- Apne My Account panel mein jain aur Wallet par click karain.
- Wahan Withdrawal Request par jain.
- Apne EasyPaisa, JazzCash, ya Bank Account ka title aur number enter karain aur amount likh kar request send kar dain.
- Hamari team 24 se 48 ghante ke andar aapka profit direct aapke account mein transfer kar degi.
